مجرد رأى
بقلم ا/لوسى فايز
صباح الخير يا اصحابي ..امس الاحد اتفرجت علي برنامج علي النت اسمه Inbox او داخل الصندوق ..البرنامج بيستضيف شخصية ويعمل معاها انترفيو لطيف فعلا عن طريق استخدام أسئلة قدروا يجيبوها من اقرب ناس للشخصية اللي هما استضافوها .. اخوات مثلا او اصحاب عمر ..كانوا مستضيفين ليلي احمد زاهر ..البنوتة القمراية بنت الفنان احمد زاهر ..المهم بعد ماسالوها وجاوبت قالوا لها مجموعة الأسئلة اللي جاية دي هتجاوبي اجابات قصيرة جدا بكلمة او كلمتين ..وبعد كده هتتصلي بوالدك وهتساليه نفس الأسئلة ..لما اتصلت بباباها جاوب نفس اجاباتها ماعدا سؤالين ضحكت وهيا بتقول بابي صح ..بابي عارفني اكتر من نفسي هو جاوب ادق مني ..انا اتبسطت اوي ..ليه ؟ لانه اب عارف تفاصيل بنته ..صديقها الانتيم ..عارف كل حاجة وبيرد بتلقائية ..يمكن حد يقول اكيد مترتب واكيد متفقين ..لا خالص لانه لما مثلا سالوها بتساعدي في شغل البيت قالت جدا بقي ..باباها رد بتعمل احلي صينية بسبوسة في الدنيا واحلي فرايد (بطاطس مقلية ) ..هي ماذكرتش تفاصيل ..بتقدري تسيبي الموبيل وقت قد ايه من ايدك قالتلهم ممكن ثانية واحدة بس ..باباها رد وقال ولا ثانية ..سالوها بابا هيعمل ايه لما تتخطبي ..ردت بابا هيعلق خطيبي علي الباب ..بيحبنا اوي واحنا كمان متعلقين بيه هو ومامي جدا ..ليه بحكي كل ده وبالتفصيل ..لاني بصراحة اتعجبت وجدا ..اي اب في اي اسرة طبيعة عمله وضغوط الحياة بتخليه مش ملم بنسبة عالية بكل تفاصيل ولاده وشخصياتهم والفروق الفردية اللي موجودة بينهم ..دي بتكون علي الام لو واعية وبتقوم بدورها صح اوي ..طيب احمد زاهر فنان ..مواعيد تصويره لادواره وسفره المستمر وحضور المهرجانات او العروض الاولي لاعماله اكيد بياخد وقت كتير جدا ..وحتي لو اتبقي وقت بيكون اكيد لراحته او ممارسة هواية او يقابل اصحاب ليه علشان يخرج بره الشخصيات اللي بيقدمها ..لكن ..علشان يبقي عارف كل التفاصيل دي عن ولاده شابوه ليه بصراحة ..قارنت موقفه من بيته واسرته بموقف والد ووالدة الشاب بتاع الجامعة الامريكية اللي قام بتصرفات وافعال منافية لاي تعاليم دينية او تقاليد او اعراف ..واللي قبض عليه مؤخرا ..طبعا كأم لبنات مش عارفة ممكن اعمل ايه لو شوفته ..لما فكرت من يومين كنت ثايرة جدا عليه وغضبانة اوي وبقول البنات دول اتدمروا نفسيا واتجرحوا جروح مش هتخف حتي مع الوقت ..ده يتعدم لا لا .. ده يتسجن مدي الحياة .. لدرجة انه يتمني الموت وكمان ماياخدهوش ..لكن بعد ثورة الانفعال ماهديت .. فكرت فين اهله ..بابا وماما بتوعه وظيفتهم ايه ؟ انجابه فقط.. وتركه كده في الدنيا بدون اي توجيه او ارشاد او عمل صداقة معاه ..الشاب ده جعان جدا ..لاهتمام ..لتقدير ..لحد يحسسه انه مهم وقوي ..حد يفهمه قيمته كخليقة لربنا تاج علي كل المخلوقات .. وبالتالي ماينفعش خالص انه يؤذي حد غيره او يتعدي عليه بلفظ .. مش علي جسده اللي هو ملكية خاصة جدا ليه .. ..لا التعليم الممتاز ولا البيئة اللي ماحصلتش في كومبوند او ضواحي شديدة الرقي نفعه ..لا الاموال المتوفرة ولا السفر بره افاده .. تحول الي اقل من الحيوانات اللي درسناها في كلية الطب البيطري في الجامعة ..اليمام والحمام يتزوج مرة واحدة فقط ..الحيوانات الضارية لاتقرب اناثها اثناء فترة الحمل ..هناك انواع من الحيوانات تترمل مدي حياتها وتأبي التزواج مرة اخري بعد فقدان شريكها ..الذكر في بعض الانواع يقترب من الانثي التي يرغب بها فترات حتي توافق عليه بوسائل شديدة الرقة والرقي ..ولا يتركها بعد ذلك ان وافقت عليه ..الشاب ده اكيد كمان مريض نفسي لان عنده سادية رهيبة انه يتعامل بعنف سواء بالضرب او الشتيمة للبنات بعد ما بيسيء اليهم ..كمان هويته غير محددة لانه حتي الاطفال الذكور لم ينجوا منه ..الابوة والامومة مسؤولية مرعبة ..دي عطية من ربنا للانسان ..المال والبنون زينة الحياة الدنيا ..القران الكريم ..البنون ميراث من الرب اجرة ثمرة البطن عطية منه ..الكتاب المقدس هنتسال عليهم قدام ربنا . لازم نفضل نتعلم طول عمرنا علشان نعلم ولادنا ..لازم نشتغل علي نفسنا وندرس ونقرا كتب ونحضر مؤتمرات او events علشان يشوفونا اكتر نماذج بني ادمين اسوياء نفسيا وانسانيا ..لازم نكون بنعرف قواعد ديننا كويس اوي علشان نعرف نوصله ليهم بسلوكياتنا قبل ماتكون تعاليم مجردة او مرسلة بنرددها وبس ..لازم نكون قدوة ليهم في كل امر في العمل في العلاقات وكمان الاهم علاقتنا بربنا الخالق العظيم لكل البشر ..لازم يكونوا اولوية بالنسبة لنا ..نسمعهم ونقضي معاهم وقت كويس منتج quality time لازم نكون مخزن اسرارهم ومحل ثقتهم ..لازم نكون الحضن والايد اللي بتطبطب حتي وهما غلطانين ..علشان مايدوروش بره علي اي حد يحاولوا من خلاله يملوا خزانات الحب بتاعتهم او ياتمنوه علي اسرارهم ..انا مش من حقي ادين الشاب ده او احكم عليه رغم غضبي من اللي عمله ..هو في الاخر هيطلع مجني عليه ..تم تركه لحد تاني يقوم بتربيته غير بابا وماما ..حد من الاقارب او حد من اللي بيساعدوا في الأعمال المنزلية دادة او مربية او مديرة منزل ..الزمن الحالي بقي وحش اوي ولازم نكون القلعة الحصينة اللي بتحوط علي ولادنا ..اكتر قلب بيحبهم ويفهمهم ..ربنا يعيننا كلنا نقوم بادوارنا بطريقة ترضيه ..ناس كتير اوي تتمني طفل ..وربنا لم يسمح لهم لحكمته . ياريت نقدر ونحس بقيمة الكنوز اللي عندنا في بيوتنا ..ونديلهم حب غير مشروط وتفهم ووقت واذن بتسمع وقلب وعقل بيحتويهم وحضن مفتوح دايما لاستقبالهم .
# مجرد # راي #
بقلم ا/لوسى فايز
صباح الخير يا اصحابي ..امس الاحد اتفرجت علي برنامج علي النت اسمه Inbox او داخل الصندوق ..البرنامج بيستضيف شخصية ويعمل معاها انترفيو لطيف فعلا عن طريق استخدام أسئلة قدروا يجيبوها من اقرب ناس للشخصية اللي هما استضافوها .. اخوات مثلا او اصحاب عمر ..كانوا مستضيفين ليلي احمد زاهر ..البنوتة القمراية بنت الفنان احمد زاهر ..المهم بعد ماسالوها وجاوبت قالوا لها مجموعة الأسئلة اللي جاية دي هتجاوبي اجابات قصيرة جدا بكلمة او كلمتين ..وبعد كده هتتصلي بوالدك وهتساليه نفس الأسئلة ..لما اتصلت بباباها جاوب نفس اجاباتها ماعدا سؤالين ضحكت وهيا بتقول بابي صح ..بابي عارفني اكتر من نفسي هو جاوب ادق مني ..انا اتبسطت اوي ..ليه ؟ لانه اب عارف تفاصيل بنته ..صديقها الانتيم ..عارف كل حاجة وبيرد بتلقائية ..يمكن حد يقول اكيد مترتب واكيد متفقين ..لا خالص لانه لما مثلا سالوها بتساعدي في شغل البيت قالت جدا بقي ..باباها رد بتعمل احلي صينية بسبوسة في الدنيا واحلي فرايد (بطاطس مقلية ) ..هي ماذكرتش تفاصيل ..بتقدري تسيبي الموبيل وقت قد ايه من ايدك قالتلهم ممكن ثانية واحدة بس ..باباها رد وقال ولا ثانية ..سالوها بابا هيعمل ايه لما تتخطبي ..ردت بابا هيعلق خطيبي علي الباب ..بيحبنا اوي واحنا كمان متعلقين بيه هو ومامي جدا ..ليه بحكي كل ده وبالتفصيل ..لاني بصراحة اتعجبت وجدا ..اي اب في اي اسرة طبيعة عمله وضغوط الحياة بتخليه مش ملم بنسبة عالية بكل تفاصيل ولاده وشخصياتهم والفروق الفردية اللي موجودة بينهم ..دي بتكون علي الام لو واعية وبتقوم بدورها صح اوي ..طيب احمد زاهر فنان ..مواعيد تصويره لادواره وسفره المستمر وحضور المهرجانات او العروض الاولي لاعماله اكيد بياخد وقت كتير جدا ..وحتي لو اتبقي وقت بيكون اكيد لراحته او ممارسة هواية او يقابل اصحاب ليه علشان يخرج بره الشخصيات اللي بيقدمها ..لكن ..علشان يبقي عارف كل التفاصيل دي عن ولاده شابوه ليه بصراحة ..قارنت موقفه من بيته واسرته بموقف والد ووالدة الشاب بتاع الجامعة الامريكية اللي قام بتصرفات وافعال منافية لاي تعاليم دينية او تقاليد او اعراف ..واللي قبض عليه مؤخرا ..طبعا كأم لبنات مش عارفة ممكن اعمل ايه لو شوفته ..لما فكرت من يومين كنت ثايرة جدا عليه وغضبانة اوي وبقول البنات دول اتدمروا نفسيا واتجرحوا جروح مش هتخف حتي مع الوقت ..ده يتعدم لا لا .. ده يتسجن مدي الحياة .. لدرجة انه يتمني الموت وكمان ماياخدهوش ..لكن بعد ثورة الانفعال ماهديت .. فكرت فين اهله ..بابا وماما بتوعه وظيفتهم ايه ؟ انجابه فقط.. وتركه كده في الدنيا بدون اي توجيه او ارشاد او عمل صداقة معاه ..الشاب ده جعان جدا ..لاهتمام ..لتقدير ..لحد يحسسه انه مهم وقوي ..حد يفهمه قيمته كخليقة لربنا تاج علي كل المخلوقات .. وبالتالي ماينفعش خالص انه يؤذي حد غيره او يتعدي عليه بلفظ .. مش علي جسده اللي هو ملكية خاصة جدا ليه .. ..لا التعليم الممتاز ولا البيئة اللي ماحصلتش في كومبوند او ضواحي شديدة الرقي نفعه ..لا الاموال المتوفرة ولا السفر بره افاده .. تحول الي اقل من الحيوانات اللي درسناها في كلية الطب البيطري في الجامعة ..اليمام والحمام يتزوج مرة واحدة فقط ..الحيوانات الضارية لاتقرب اناثها اثناء فترة الحمل ..هناك انواع من الحيوانات تترمل مدي حياتها وتأبي التزواج مرة اخري بعد فقدان شريكها ..الذكر في بعض الانواع يقترب من الانثي التي يرغب بها فترات حتي توافق عليه بوسائل شديدة الرقة والرقي ..ولا يتركها بعد ذلك ان وافقت عليه ..الشاب ده اكيد كمان مريض نفسي لان عنده سادية رهيبة انه يتعامل بعنف سواء بالضرب او الشتيمة للبنات بعد ما بيسيء اليهم ..كمان هويته غير محددة لانه حتي الاطفال الذكور لم ينجوا منه ..الابوة والامومة مسؤولية مرعبة ..دي عطية من ربنا للانسان ..المال والبنون زينة الحياة الدنيا ..القران الكريم ..البنون ميراث من الرب اجرة ثمرة البطن عطية منه ..الكتاب المقدس هنتسال عليهم قدام ربنا . لازم نفضل نتعلم طول عمرنا علشان نعلم ولادنا ..لازم نشتغل علي نفسنا وندرس ونقرا كتب ونحضر مؤتمرات او events علشان يشوفونا اكتر نماذج بني ادمين اسوياء نفسيا وانسانيا ..لازم نكون بنعرف قواعد ديننا كويس اوي علشان نعرف نوصله ليهم بسلوكياتنا قبل ماتكون تعاليم مجردة او مرسلة بنرددها وبس ..لازم نكون قدوة ليهم في كل امر في العمل في العلاقات وكمان الاهم علاقتنا بربنا الخالق العظيم لكل البشر ..لازم يكونوا اولوية بالنسبة لنا ..نسمعهم ونقضي معاهم وقت كويس منتج quality time لازم نكون مخزن اسرارهم ومحل ثقتهم ..لازم نكون الحضن والايد اللي بتطبطب حتي وهما غلطانين ..علشان مايدوروش بره علي اي حد يحاولوا من خلاله يملوا خزانات الحب بتاعتهم او ياتمنوه علي اسرارهم ..انا مش من حقي ادين الشاب ده او احكم عليه رغم غضبي من اللي عمله ..هو في الاخر هيطلع مجني عليه ..تم تركه لحد تاني يقوم بتربيته غير بابا وماما ..حد من الاقارب او حد من اللي بيساعدوا في الأعمال المنزلية دادة او مربية او مديرة منزل ..الزمن الحالي بقي وحش اوي ولازم نكون القلعة الحصينة اللي بتحوط علي ولادنا ..اكتر قلب بيحبهم ويفهمهم ..ربنا يعيننا كلنا نقوم بادوارنا بطريقة ترضيه ..ناس كتير اوي تتمني طفل ..وربنا لم يسمح لهم لحكمته . ياريت نقدر ونحس بقيمة الكنوز اللي عندنا في بيوتنا ..ونديلهم حب غير مشروط وتفهم ووقت واذن بتسمع وقلب وعقل بيحتويهم وحضن مفتوح دايما لاستقبالهم .
# مجرد # راي #
.jpeg)
.jpeg)
ليست هناك تعليقات:
اضافة تعليق