قصة زواج رجاء الجداوى لاعب الكرة الكابتن حسن المختار

"#اطول_الزيجات_التي_تمت "..
#بين_فنانة_ولاعب_كرة_قدم"
=============================

قصة زواج الفنانة/#رجاء_الجداوي بالكابتن #حسن_مختار حارس مرمي فريق النادي الاسماعيلي الاسبق.والفريق القومي المصري
#لقاء_الخرطوم
كنت مسافرة مع خالتي #تحية_كاريوكا للخرطوم لعرض مسرحية بعنوان روبابيكيا بدلا من زميلتي نبيلة عبيد وكان في حفلة هناك في الفندق ودخلنا الفندق لقينا مجموعة من لعيبة كرة القدم _
المنتخب الوطني المشارك في كأس الامم الأفريقية عام 1970_ وانا ولا افهم في الكورة ولا أعرف فيها شيء.. قعدنا علي الترابيزة انا وخالتي والمرحوم #فايز_حلاوة الله يرحمه وجاء فريق الكورة بتاع المنخب المصري يسلم علينا كلهم باستثناء واحد كان قاعد على جنب وماسك في أيده كتاب "how to learn English without teacher "..
قولتلهم مين المثقف ده اللي مسلمش علينا قالولي ده #حسن_مختار حارس مرمي المنتخب ونادي الإسماعيلي.. تاني يوم راكبة الاسانسير ركب معايا حسن وقالي شكلك انهاردة احسن بكتير من إمبارح وانتي حاطه ماكياج امبارح كنتي عامله زي البلياتشو!!
رديت عليه وقولتله افندم!! انت متعود تبقي ذوق كده مع الناس علي طول وسيبته ومشيت ودي كانت اول مره نكلم بعض فيها.
تاني يوم كنا في الاوتيل وكان في مجموعة من الصحفيين الأفارقة وانا كنت قاعدة علي كرسي وجه هو قعد علي رجل الكرسي فطلب منه الصحفيين الثبات لالتقاط صوره له مع خطيبته فرديت بسرعة قولتلهم ده مش خطيبي
وطلبت منه أن يبتعد عني بسبب وجود الصحفيين خاصة أنهم ظنوا أني خطيبته، لأني مكنتش مشهورة في هذا الوقت.
قاللي: وإيه يعني ما انا هبقي خطيبك..
قولتله: انت مصمم بقي.
واحنا في رحلة العودة من الخرطوم جه وقالي تسمحيلي اقعد جنبك. قولتله: اتفضل.
وسألني: أنتي متزوجة؟ فقولت: لا، فطلب مني الزواج قولتله: انت عندك كام سنة قالي 24 سنة.. قولتله: ياه انت صغير اوي يا شاطر انا اكبر منك ب 3 سنين وبتقبض كام قالي: 55 جنية رديت بسرعة: في اليوم! ردعليا : لا في الشهر..فقولتله: أنا أريد أن أتزوج رجل عجوز يموت بسرعة وأورثه، وأنت فقير، فطلب مني أن يحضر بالبيت قائلاً: «أنا هتجوزك يعني هتجوزك».
#الخطوبة_والجواز
المهم جه عندنا البيت وقابل والدتي وفؤجت انها تعرفه قولتلها: تعرفيه منين ده! قالتلي طبعاً عارفاه ده حارس مرمى النادي الإسماعيلي _
الفنانة رجاء الجداوي واسرتها من مدينة الإسماعيلية_
استنيت لما دخل الحمام قولتلها : عارفة بيقبض كام 55 جنية في الشهر يعني فقير قالتلي مش مهم ده الراجل اللي أطمن وأنتي معاه.. خدي الحساب بتاعي في البنك وروحي جيبي انتي وهو اوضة النوم وافرشيها في الشقة وعيشوا معايا في الشقة وتمت الزيجة في ستة أيام !!
وكانت علاقتنا الزوجية من أنجح زيجات الفنانات بلاعبي الكرة واستمرت لمدة 46 عاما حتي وفاة الراحل حسن مختار عام 2015، وأثمرت عن ابنتنا الوحيدة "#أميرة".
في مرة سألتها المذيعة مفيدة شيحة وقالتلها :
انتي حبيتي المرحوم حسن مختار قبل ما تتجوزيه.
قالتلها: قبل ما اتجوزوا ( لأ ) بس بعد ما اتجوزتوا حبيتوا اوي واضافت : أوعوا تفتكروا ان الحب اللي قبل الجواز ده حب ده بيبقي اي حاجة.. الراجل والست في فترة الخطوبة بيظهروا احسن ما فيهم لكن الحب الحقيقي انك تنتفسي نفس الأكسجين اللي بيتنفسه الانسان اللي انتي بتحبيه وانتوا علي نفس المخدة
المذيعة : طب إيه اللي شدك فيه وخلاكي متجوزها الفترة ديه كلها ؟
ردت عليها رجاء : لقيته انسان نضيف اوي ربنا أكرمني بيه وهأفضل طول عمري فاكراه ومش هنساه وهفضل مراته حتي بعد ما مات.
#أدعوا_لهما_معي_بالرحمة_والمغفرة ؛؛؛؛